+509 37 96 3534:Deba initil sa yo m pa abitye antre nan yo paske gen bagay pi serye mwen panse pou nou ta regle. Men puiske mwen remake pa gen etranje la, mwen pèmèt mwen pèdi yon ti tan epav pou m di de mo tou, men lojikman mwen pat dwe rete sou mesye Hitler.
Sans classe, ni aucune formation historique, monsieur Hitler a encore une fois de plus, frappé fort de par son idiotie. Ce qui est devenu une habitude.
Lorsque l'esclave veut ressembler au maître, il/elle est prêt/prêtre à tout, même à échanger sa mère pour des petites pièces d'or. Aucune dimension de mounité( Berf)
Trete moun de sovaj, se egzakteman modèl mo sa yo kolon yo te konn itilize pou redui moun nan pi ba ekspresyon an. Kidonk, diskou kolonyalis la ankre nan tèt kèk tisibaltèn, ki se yon konsta, sitou lè n ap gade kisa dirijan nou yo ap remèt. Nou nan yon sosyete kote moun dakò pran pataswèl nan men moun, fanm dakò defann gason k ap wonfle yo.
Nan sans sa, èske mesye Hitler pa ta gen rezon li?
Pi lwen n ap avanse ankò pou nou di lè mesye Hitler te fin wonfle fanm nan, epi se fanm ankò ki t ap gouye devan cha li pou pèmèt li chanpyon kanaval...èske nou pa sovaj vre?
Yon pèp ki nan mizè konsa, ki dakò, èske li pa sovaj?
Eskize m, si mwen prete mo mesye Hitler a, men m ap mande mesye Hitler, èske li konnen nan sosyoloji sa yo rele konsèp Vyolans senbolik la. Bon sa pa etone m si li pa konnen l paske:
1- li pa gen tan pou sa.
2- tout moun pa fèt tou konnen.
Ebyen vyolans senbolik lan pa gen agresyon fizik, kidonk, moun pap ka wè l men ou soufri menm jan an oubyen pi mal menm, lè se konsa y ap fè vyolans sou ou, ki atenn ou epsikolojikman. Tankou egzanp, moun dwe manje, biye, jwenn edikasyon, lwazi, sante elatriye.... An gwo, moun dwe viv byen. E sa yo se wòl Leta santral, e chak grenn aktè nou swadizan vote yo, dwe jwe wòl yo nan sans pou pèmèt e rann espas vivab la bon pou chak grenn endividi nan espas la.
Kidonk, lè ti bazik sa pa respekte, se yon vyolans li ye tou. Kounya, nan zafè reyaksyon, moun pa ka kontwole sa.
An pasan, moun ki sonje listwa dwe raple yo lè mesye Hitler te 3èm nan konkou atis dijisèl la, kijan patizan li yo te reyaji deyò a. Kijan li te rele sa?
Tou denyèman la, lè li te fin wonfle madanm li an, si madanm li an te gen kapasite pou reyaji, kijan li ta p rele sa?
Pou nou fini, kijan yon sovaj, pou m prete mo a ankò fè gen je chèch pou li trete yon reyaksyo sovaj?
Wi m konnen nou kont vyolans, dayè ni mwen tou, men sa ki ap pase nan peyi Lafrans ki aktyèlman nan (Act 12) konsa yo rele chak sòti yo. Yo kraze brize, menm la ankò m pap di se yon modèl pou nou suiv, men okenn moun nan peyi sa pap trete pèp la sovaj paske li konnen mo sa, se lè li redui moun nan esklavaj, pou li itilize l, jan kolon an te konn itilize l nan yon epòk.
Sosyete nou an vin tèlman tèt anba, ou jwenn moun ki swadizan fòme ap repete menm diskou kolon an kont frè li ak sè li.
Diskou sa pa diferan ak moun ki plis nan mizè yo epi ki ap repete diskou moun ki mete l nan mizè a ki mete nan tèt li, kite peyi m mache.
Se menm jan ankò, yo fè l kwè li dwe viv nan mizè pou li ka ale nan paradi.
Bon, brèf m ap kanpe la.
Men m ap kite nou ak fraz sila...
Zafè mounite a, se konsa Dessalines te wè l pou lemond antye...kidonk, mete nou nan dimansyon sila a.
On ne réagit pas pour du beurre, on réagit avec fracas.
An pasan n ap raple mesye Hitler, moun ki lakoz manman li mouri pou 5mil goud lopital la, avèk li menm ki ap trete pèp la de sovaj la, kilès ki pi sovaj...si mwen ap prete mo li ankò malgre mwen.
Poukisa moun ki avize yo pa mete limyè nan lespri sila yo ki pi mal yo.
Ayibobo pou nou tout..
Mèsi...
Emmanuel Joseph Jr JEAN
